Boorama-(Puntland Post) Magalada Boorama oo xarun u ah gobalka Awdal ee Somaliland ayaa sannooyinkii lasoo dhaafay ku tilaab satay horumaro kala duwan oo ay ka mid tahay xagga wadooyinka, dhismayaasha bilicda san,waxbarashada,caafimaadka iyo ganacsiga.
Marka loo eego halka ay magaladu ku taala waa goob wado buuro ah, oo xaafadaha qaarkood ayaa buuraha dushooda saaran, magaladu waxay caan ku tahay buurta soow, Jaamacadda Taariikhiga Camuud oo la dhisay 1952 iyo daaqada oo ah goob magalada dhan laga wado arko markaad ka timaado dhanka koonfurta.
Jaamacadda Camuud oo daruusyo kala duwan bixisa,waxaa ka dhigta ardey faro badan oo ka kala yimi dhulka Soomaalidu degto, waana sababta loogu naaneyso Boorama ”Gobalka waxbarashada”.
Magaladu waxay ka kooban tahay afar xaafadood oo waa weyn kuwaasoo kala ah Shiikh Makaahiil, Shiikh Axmed Salaan, Shiikh Cali Jowhar iyo Shiikh Cismaan, waxaa sidoo kale kusoo badanaya hotelada iyo goobaha ganacsiga gaarka loo lee yahay kuwaasoo qaarkood ay hir galiyeen qurba joogta u dhalatay gobalka oo dib ugu soo laabtay.
Maalmaha Jimaha magalada waxaa dalxiis iyo damaashaad u yimaada dad kala duwan oo kasoo socdaala magaalooyin ay ka mid tahay Hargaysa, dadka dalxiiska u yimaada ayaa badanaa aada Jaamacadda Taariikhiga ah ee Camuud oo ku taala goob aad u qurux badan iyo dhulka seeraha ah (Beero) halkaasoo waqti nasasho ah ay ku qaadaan,
Qaar ka mid ah ardayda wax ka barja Jaamacadda Camuud iyo qurba joogta kusoo laabatay Boorama ayaa sheegay inay ku faraxsan yihiin nolasha degmada iyo is-badalada kala duwan ee ay samaysay.
Booramo oo sii kobcaysa waxay xaduudo la lee dahay Itoobiya, Jabuuti iyo Yaman, waxayna ku tiirsan tahay wax soo saarka beeraha,xoolaha iyo cusbada.
Cali Cabdi Ducale
PUNTLAND POST