Garowe(Puntland Post) Gudoomiyihii hor ee Gobalka Mudug Maxamed Yuusuf Jaamac Tigey ayaa markii ugu horaysay Puntland ka hir galiyay shirkad dalxiis oo ugu magac daray Magool, taasoo uu ku sheegay in dalxiisayaasha Soomaalida iyo ajaanibka loogu talo galay.
Tigey oo ku caan baxay inuu dadka usoo gudbiyo dhulka quruxda baddan ee Soomaaliya ayaa ku sheegay sababta uu shirkaddan Dalxiis u aasasey ay tahay sidii loo heli lahaa kalsooni baddan oo dalka lagu joogo maadama boqalaal dhalinyaro Soomaaliyeed ah ay bil kasta waddankooda ka cararaan iyagoo door biday dhal-dhalaalka dalalka kale inay dhaayahooda kusoo arkaan.
Gudoomiyaha shirkadda Dalxiiska iyo deegaanka Magool Maxamed Yuusuf Jamac Tigey ayaa sheegay dalxiiska ugu horeeya inuu bilaabi doono ciida, isagoona sheegay inuu ku bilaabayo degmada Taariikhiga ah ee Eyl oo ka tirsan Gobalka Nugaal, dadka ayuu sheegay iney heli doonaan addeeyo jiif,cunto iyo dal barasho isagu jira.
”Asxaabta sharafta leh waxaan ugu bishaaraynayaa inaan u diyaariyay shirkadda dalxiiska iyo deegaanka Magool, waxay idiin diyaarisay inaad ku dalxiistid ku nasatid daafaha Puntland xeebaha buuraha beeraha goobaha taariikhiga ah iyadoo Shirkaddu kuu diyaarinaysay Safarro dalxiis oo ka kooban gaadiid goobihii Jiifka iyo cuntada iyo nasashada iyo dalyaqaanno ku geeya goobo aad ku farxi doontid wada shaqayn wacan” Tigey ayaa sidaasi yiri.
Waa markii ugu horaysay oo shirkad Dalxiis laga hirgaliyo Puntland, iyadoona dadwaynaha ku nool Puntland ay soo dhaweeyeen tilaabadan uu qaaday Maxamed Yuusuf Jaamac (Tigey).







PUNTLAND POST

Maashaa allaah markii aan lahaa deegaanka eyl ee kadaboolan hadimada dadka aan usheegee duunyada lo iyo ari dalsan bay utahay geel dhaxan jiirka damaqdiyo dabayl iyo haraad maleh waa hooy dalxiisoo loo doortay nabadee doc kastaa ka eegtaba buuraa ku daahan ku dulmeersan idilkeed dhirta dalaga iyo miro durduraan go aynbaa eebe ugu deeqee diidaa bakhayliyo male diraadiraaloo dadku waa midkeliyee ixtiraama deriskiyo ruuxii ku yimi dool (maalintaa soonaaliyi madareensanayn 1990 bay ahayd waan kudhashay eyl waa abwaan xirsi xuseen faarax xirsi deni 0026876771514 sawziland
Waa howl hore loogu baahnaa. Waa xadaarad soo korartey. Tigey iyo inta hindistey waa ku mahadsanyihiin.
Tan labaad cibaadada iyo dalxiisku isma diidayaan.
ASC, Jaalle Tigey iyo inta hawsha la haysa. Tigey anigu waa hore ayaan isha geliyey, inuu nin qaayo badan yahay, xilkuu horay u soo qabtayna, si wanaagsan ayuu uga soo baxay, khayr baad sameeysay, ee guulayso. Waxaad bilawday hawl wanaagsan oo faaido faro badan u leh, shacabka Somaali oo dhan. Anigu haatan waxaan jooga London, hase yeeshe, haddii Alle idmo dhowaan baan iman dalka. Waxaa halkaas iiga bidhaamay, baadi aan waayhan doonaayay. Xaaski baa iga gabowday, oo waxaan doonaya, saddex degmo oo Casha galgala kammid tahay inaad iiga qabatid saddex hablood oo kala durugsan. Gabbaatigiina waxaan berrito usoo xawili doona, Inshaa Alle Mohammad Salaad Wayrax (Eng. Saacaddaale) oo Garoowe jooga. Mahadsanid. Sh. Axmed Caafi.