Gudoomiyaha Baarlamaanka Aqalka sare ee dalka Mudane Cabdi Xaashi Cabdulaahi ayaa ka hadlay mooshin ay wadaan Xildhibaano ka tirsan Baarlamaanka Federaalka Soomaaliya.
Gudoomiye Cabdi Xaashi ayaa sheegay in ay joojin doonaan mooshinkaasi ay wadaan xildhibaanada Aqalka hoose ee Baarlamaanka.
Waxa uu sheegay in Xukuumada Kheyre uu waqtigeedu aad u koobanyahay islamarkaasina aanay hadda habooneeyn in mooshin laga soo gudbiyo.
Waxaana uu ku baaqay in la joojiyo mooshinkaasi Xukuumada laga soo gudbiyay haddana aanu aheyn mid munaasab ah.
Dhanka kale Gudoomiye Cabdi Xaashi ayaa soo dhoweeyay shirkii golaha wasiirada ee ka dhacay markii ugu horeeysay meel ka baxsan Muqdisho waxaana uu sheegay in tilaabadaasi ay tahay mid wanaagsan kuna baaqay in la sii joogteeyo.
Hoos ka dhageyso Codka .
Xasan Maxamed Samatar Cowke
puntland Post Muqdisho

ANIGU WAXAAN KA MID AHAA DADKII DHALIILI JIRAY MADAXWEYNE Farmaajo.
HADDASE WAAN KA SOO DABCAY MUCAARADNIMADII HORE.
WAXAAN MARKAAN LEEYAHAY: Madaxweyne Farmaajo kursigiisa ha ku
wareejiyo Xasan Cali Kheyre. Isgana ha iska galo “pension”
oo dawladda xaq weyn buu ku leeyahay e.
Dhab ahaantii, Farmaamjo waa madaxweynihii soo xulay Xasan Cali Kheyre.
Farmaajo waa ninkii ka ooysiiyay Gabre iyo Itoobiya.
Intaas buuba taariikhda Somalia kaga galayaa baal dahab ah.
Imika, Farmaajo ha muujiyo waddaninimo dhab ah oo kursigiisa ha uga
tanaasulo Xasan Cali Kheyre.
AMABA RAIISULWASAARAHA HA SIIYO MADAXBANNAANI DHAB AH UU KHEYRE KAGA DHABEYN KARO “VISION-KIISA”, ISAGOO AAN INNABA GADAAL KA BAQEYN.
MADAXWEYNE FARMAAJO HA DHAMMEYSTIRTO GUUSHIISA.
Waxaan ahay oday Soomaaliyeed oo jecel wanaagga iyo horumarka Dalka Somalia,
waxaanna ogsoonahay in Farmaajo ku sii jiristiisa siyaasadda ay keeni karto
in laga xiiso dhaco oo laga hor yimaado.