Muqdisho (PP) ─Wasiirka Arrimaha Gudaha Soomaaliya, Cabdi Faarax Juxa ayaa sheegay inay Xukuumaddu mudnaanta koowaad siineyso arrimaha dib-u-heshiisiinta iyo Amniga, isagoo ka dhawaajiyay cid kasta oo ka fikir duwan lala hadlayo.
Wasiir Juxa ayaa xusay in howlaha Wasaaraddiisa wado ee dib u heshiisiinta ay sii soconeyso, Wuxuuna qiray waxyaabaha la isku haayo ay kala gedisan yihiin, isla markaana ay kala heerar yihiin.
“Waxa la isku hayo waa kala-gedisan yahay, waana kala heerar, waa jirana waxyaabo la isku haayo ama ha ahaato kheyraad, siyaasad, Dastuur ama awoodeed, waqti bey qaadaneysa in la wada hadlo, cidii naga fikir duwan ama xabad nagu soo rideysa in lala hadlo diyaar baa lala yahay,” ayuu yiri Wasiir Juxa.
Sidoo kale, Wasiirka ayaa intaas ku daray in dalkaan la wada-leeyahay, isla markaana wixii jira la isaga soo dhowaan doono, cid kastana ay albaabada u furan yihiin.
“Waddankan waa la wada leeyahay, cid kasta albaabada waa u furan yahay, in miiska wada-hadalka waa furan yahay,” ayuu yiri mar kale yiri, iyadoo uu hadalkiisu u muuqday inuu si gaar ah uga hadlayo Xaaladaha siyaasadeed ee dalka ka jira iyo khilaafyada dhanka dastuurka iyo awoodaha waddanka.
Ugu dambeyn, Dowladda Madaxweyne Farmaajo ayaa wajaheysa culeysyo siyaasadeed oo gudaha iyo dibada isugu jira, iyadoo dadka siyaasiyiinta ee dhaliilsan qaabka dowladdiisa wax wado ay ku eedeynayaan albaabada Madaxda ay xiran yihiin, isla markaana aaya ka talinta dalka uu gacanta u galay shaqsiyaad kooban.
HALKAN KA DHAGEYSO CODKA WASIIR ARRIMAHA GUDAHA XUKUUMADDA SOOMAALIYA;
PUNTLAND POST

CEEBEY TACAAL.
DAWLAD-KU-SHEEGGA FARMAAJO WAA WAREERSAN TAHAY. TALOWAA AYAA KU DHACAY.
WAA KU GUUL DARREYSATAY FARAGELINTII AY KU HAYSAY MAAMUL GOBOLEEEDYADA
TUURISTII HIRSHABEELLE AYAA U MARTAY. MARKAAS BAY DAMACDAY INAY KA TAKHALUSTO GALMUDUG IYO QAAR KALE.
TAAS WAA KU KHASAARTAY OO REER GALMUDUG WAA ISKA YUREEYEEN SIYAASADDA ARAGTIDA GAABAN EE FARMAAJO.
FARMAAJO SIDAAS BUU KU FASHILAN YAHAY.
MA JIRTO CID DAMBE OO WAX KA MAQLEYSA ILLEYN MADARKII BUU KU
KUFAY E.
FARMAAJO XATAA MA LAHA AWOOD UU KU SIXI KARO GEFAFKIISA.
RAGANNIMO AYEY U BAAHAN TAHAY IN LA QIRTO, LANA SAXO GEFAFKAAGA.
WIILKA SIYAAD BARRE BAL MUXUU KA SOO DOONAY SIYAASADDA?
SOW TII DORRAAD UUN LA ERYAY ISAGA IYO ADEERKII AFWEYNE?!
KARTIDII IYO GARASHADII ADEERKIINA, FARMAAJO MEESHA KUMA HAYO.
RIWAAYAD BEEN AH BUU LA SOO SHAQO TEGEY. WAANA LAGU GARTAY
MARKII UU DHIIBAY GEESIGII AHAA CABDIKARIM QALBI DHAGAX.
XABASHIDA AYAAN MEEL SAARAYAA BUU DADKA KU BEER LAXAWSADAY.
SIDAAS BUU KURSIGA KU HELAY. MARKAAS AYUU XABASHIDII HOOSTA KALA HESHIIYAY. SAA WAA KHAAIN KARTI DARAN OO HUNGURI KU RAADSANAYA IIBKA MADAXBANNAANIDA DALKA HOOYO.
ILAAHAY UMA CEEB QARININ FARMAAJO.