Waxaa goordhow Maxkamada Gobolka Banaadir ay ku dhawaaqday Go’aankii kama dambeeysta ahaa ee ku saabsanaa kiiskii lagu eedeeyay Cabdiraxmaan Cabdishakuur Warsame.
Gudoomiyaha Maxkmada Gobolka Banaadir Aweys Sheekh Maxamed ayaa ku dhawaaqay in wax dambi ah lagu waayay Cabdiraxmaan Cabdishakuur.
Waxaana Gudoomiyaha uu amray in si buuxda xuriyadiisa loo siiyo Cabdiraxmaan Cabdishakuur Warsame.
Gudoomiyaha Maxkmada ayaa sheegay in Xeer ilaalinta aanay u furneyn wax racfaan ah.
Arintaan ayaa ka dambeeysay kadib markii Xeer ilaalintu ay maxkamada horkeeni weysay cadeeymo la xariira dambiga uu galay islamarkaasina lagu soo eedeeyay Cabdiraxmaan Cabdishakuur.
Xasan Maxamed samatar Cowke
Puntland Post Muqdisho
Sharciga oo la baalmaraa waxaasey keentaa, Maanta Cabdiraxman Magaca , taageerada uu gudo iyo dibedba ka haysto lama koobi karo, wuu ka taageero badan yahey Farmaajihii shaley aan u sabcineyney. taas waxaa keentey, sharciga oo la raacin soo qabashadiisa, warqad awood soo qabasho oon jirin.