PUNTLAND POSTPuntland Post
Warka

Guddiga Doorashooyinka oo war ka soo saaray go’aanka Maxkamadda Sare

Share

Guddiga Doorashooyinka Qaranka ayaa sheegay in uu aqbalay go’aanka Maxkamadda Sare ee Federaalka Soomaaliya ee lagu laalay natiijada doorashadii isku-sidkanayd ee golaha deegaanka iyo wakiillada ee Galmudug, taas oo qabsoontay 30-kii Luulyo 2026.

Guddiga ayaa sheegay in go’aanka Maxkamadda Sare uu waafaqsan yahay qodobka 73-aad ee xeerka doorashooyinka qaranka, kaas oo tilmaamaya awoodda Maxkamadda Sare u leedahay garnaqsiga iyo go’aaminta dacwadaha la xiriira doorashooyinka.

Guddigu wuxuu intaas ku daray in uu soo muddayn doono xilliga la qabanayo doorashada ku-celiska ah ee Galmudug, iyadoo la raacayo go’aanka Maxkamadda Sare iyo habraacyada sharciga ah ee doorashooyinka.

PUNTLAND POST