Guddoomiyaha Baarlamanka Puntland, Cabdirashiid Yuusuf Jibriil ayaa jawaab ka bixiyay warqad ka timid Xeer Ilaalinta Puntland, oo ku saabsan xildhibaanno ku eedaysan kiiska Geed-quwaaxa.
Xeer Ilaalinta ayaa Guddoomiyaha ka dalbaday, in Xildhibaannada ku eedaysan kiiska Geed-quwaaxa loo gudbiyo Waaxda danbi-baarista C.I.D-da, si wax looga weydiiyo eedaha loo haysto.
Balse, Guddoomiyaha oo jawaab ka bixiyay warqaddaas, ayaa ku wargeliyay Xeer-ilaalinta in aan C.I.D-da looga yeeri karin Xildhibaanno xasaanadleh.
Xeer Ilaalinta ayaa horay u sheegtay in ay jiraan xildhibaanno ka tirsan Baarlamanka oo ku eedaysan Kiiska Geed-quwaax, inkastoo aysan sheegin magacyadooda.
Warkan waxa noo xaqiijiyay xildhibaanno kala duwan oo aan bixin ogolaansho lagu xigto.
PUNTLAND POST