Ra’iisul wasaaraha waddanka Ethiopia Abiy Ahmed ayaa u hambalyeeyay madaxweynaha xalay la doortay ee Soomaaliya Xasan Shiikh Maxamuud.
“Waxaan rabaa inaan u hambalyeeyo Madaxweynihii hore Xasan Sheekh Maxamuud oo mar kale loo doortay Madaxweynaha Jamhuuriyadda Federaalka Soomaaliya” ayuu yiri Abiy.
Ra’iisul wasaare Abiy Ahmed ayaa ka rajeeyay madaxweynaha cusub ee Soomaaliya Xasan Shiikh wada- shaqayn dhow oo ku salaysan danaha labada dal.
“Waxaan rajaynayaa inaan si dhow uga wada shaqeeynno danaha guud ee labada dal iyo kuwa gobolka” ayuu sii raaciyay.
Mudane Xasan Shiikh Maxamuud oo markii labaad loo doortay madaxweynaha Soomaaliya ayaa lagu wadaa in uu dhowaan si rasmiya xilka ula wareego.
PUNTLAND POST
You must be logged in to post a comment.