Dabley hubaysan oo ka tirsan Al-shabaab, ayaa saaka weerar ku qaaday saldhig ciidamada difaaca dowladda Puntland ku leeyihiin tuulada Af-Urur oo ka tirsan Gobolka Bari.
Wararku waxay sheegayaan, in Al-shabaab madaafiic ku rideen saldhiga, kadibna ciidamada difaaca Puntland ay kaga jawaabeen hubka culus.
Saraakiisha Ciidamada ayaa Puntland Post u sheegay in ay iska caabiyeen weerarka, balse kama hadlin haddii uu khasaare jiro.
Dad kala duwan oo ku sugan tuulada Af-Urur ayaa sidoo kale sheegay in subaxnimadii hore ee saaka maqleen rasaas ka dhacaysay dhinaca saldhiga ciidamada.
PUNTLAND POST