Shan xubnood ayaa ilaa iyo hadda ku soo baxay doorashada Aqalka sare ee ka socota xarunta Baarlamanka Puntland ee Garoowe.
Xubnaha la doortay ayaa kala ah; madaxweynihii hore ee Puntland Cabdiraxmaan Maxamed Maxamuud Faroole oo isagu hore u fadhiyay Aqalka sare afartii sano ee la soo dhaafay.
Maxamed Cali Yuusuf Gaagaab oo Puntland ka soo noqday wasiirka Maaliyadda iyo madaxweyne ku xigeen, kaas oo cod gacan-taag ah lagu doortay kadib markii ay u tanaasushay, Kawsar Cabdullaahi.
Wasiirka Warfaafinta Puntland Cabdullaahi Cali Xirsi Tima-cadde oo isna lagu doortay cod-gacan taag ah, kadib markii uu u Cabdullaahi Xaashi oo la tartamayay.
Wasiirka dekedaha Puntland Maxamed Cabdi Majiino ayaa noqday shakhsiga afraad ee ilaa iyo haatan ku soo baxay Aqalka sare, kadib markii uu u tanaasulay Maxamed Geeddi oo la sharraxnaa.
Ugu dambayntii, Guddoomiyaha Gobolka Bari Cabdisamad Yuusuf Maxamed (Abwaan) ayaa loo doortay xubinimada Aqalka sare kadib markii uu u tanaasulay Ismaaciil Mire Mumin oo la sharraxnaa.
PUNTLAND POST