Dowladda Maraykanka ayaa shaacisay in markii u horraysay mudda lix bilood ah kadib ay duqayn ka fulisay gudaha Soomaaliya, gaar ahaanna Gobolka Mudug.
Duqayntan oo lala beegsaday Al-shabaab ayaa Talaadadii ka dhacday degaanka Qaycad oo u dhexeeya degmooyinka Cammaara iyo Bacaadweyne ee koonfurta Gobolka Mudug.
Waaxda Difaaca Maraykanka ee Pentagon-ka ayaa sheegtay in duqayntan ahayd mid lagu caawinayay Ciidanka Kumaandooska Soomaaliya oo weeraro kala kulmay Al-shabaab.
Dowladda Maraykanku faahfaahin kama bixin khasaaraha ka dhashay weerarkan, balse dowladda Soomaaliya oo dhankeeda ka hadashay duqaynta ayaa sheegtay in lagu dilay ilaa 20 xubnood oo ka tirsan Al-shabaab.
PUNTLAND POST