Madaxweynaha dowlad goboleedka Galmudug Axmed Cabdi Kaariye Qoorqoor ayaa maanta xafiiskiisa ku qaabilay wefdi uu hoggaaminayo Ergeyga gaarka ah ee Qaramada Midoobay u qaabilsan Soomaaliya James Swan.
Mr Swan waxa socdaalka ku weheliyay qaar ka mid ah madaxda Hay’adaha Qaramada Midoobay sida Hay’adda Cunada Aduunka ee WFP iyo Barnaamijka Horumarinta ee UNDP.
Madaxweynaha Galmudug waxaa isna kulanka ku wehliyay Madaxweyne ku-xigeenka Galmudug, Gud. Xigeenka Baarlamaanka iyo xubno ka tirsan Golaha wasiirada maamulkaas.
Kulanka ayaa looga hadlay qorshayaasha horumarineed ee ka socda Galmudug sida horumarinta dhaqaalaha iyo adeegyada bulshada, dhismaha iyo dhameystirka dowladaha hoose, arrimaha bini’aadanimada, amniga iyo arrimaha doorashooyinka Soomaaliya.
PUNTLAND POST
You must be logged in to post a comment.