Maxkamadd ku taala magaalada Frankfurt ee dalka jarmalka ayaa ku xukuntay muwaadin Somali-jermal ah labo sano iyo toban bilood oo xabsi ah, kadib markii lagu helay dambi ah inuu ku biirey Xarakada Al-shabaab.
Abshir oo 29-sano jir ah ayaa ku dhashay magaaladda muqdisho ee Caasimadda Soomaliya wuxuu tagay dalka Jermalka sanadkii 2012-kii wuxuna kamid ahaa Al-shabaab ilaa horaantii sanadkii 2014-kii.
Sidoo kale maxkamadda ayaa sheegtay in muddo afar bilood ah uu tababar milatari la qaatay Al-shabaab isagoo bartay sida loogu dagaalamo hubka sidoo kalana bartay qaabka loogu dagaalamo weerarada ku dhufo ka dhaqaaqda ah.
Abshir waxa ay al-shabaab u direen saldhig ay ciidamada al-shabaab leeyihiin, balse waxyar kadib ayuu sababo caafimaad awgeed ugaga tegey saldhigaas.
Ciidamada booliska dalka Jermalka ayaa xirey abshir sanadkii 2016-kii kadib markii uu ka dagay garoonka diyaaradaha ee magaalada frankfurt.
Abshir oo maxkamadda ka hor hadlay ayaa sheegay in uu ku biiray Al-shabaab balse uusan ka qeyb qaadani wax dagaal ah.
PUNTLAND POST