Qoraal kasoo baxay Taliska Ciidamada Militariga Maamulka Somaliland ayaa faah-faahin ka bixiyay Askari isku dhexdilay xabsi ku yaal Magaalada Hargeysa kaasi oo meydkiisa laga helay xabsi uu ku jiray oo ku yaal xerada Birjeex ee magaladda Hargeysa.
Marxuumka oo muddo laba todobaad ciqaab amardiido u xirnaa,ayaa meydkiisa isagoo is-dal-dalay lagu arkay xabsiguu ku jiray, waxaana socota baadhitaanka sababaha keenay dhimashadiisa.
” Taliska ciidamada Qaranka waxaa uu tacsi u diray qoyskiisa, caruurtiisa iyo dhamaan Ciidanka Qaranka Somaliland geerida ku timid marxuumka ka baxay, islamarkaana caddaynayaa inay baariitaanka kadib faah-faahin buuxda ka bixin doonaan geerida Askarigaa”. ayaa lagu yiri qoraalkaasi
Taliska ayaa Beeniyay warar soo baxayay oo sheegay in askarigaasi uu isku dilay arimo la xariiro sicir bararka Hargeysa ka jira oo la sheegay in uu biili kari waayay reerkiisii.
“Mana jiraan wararka sheegaya inuu sababo sicir-barar dartood isku deldelay Waxaa looga digayaa dhamaan warbaahinta, inay ka fogaadaan inay faah-faahino mala-awaal ah ka bixiyaan sababaha keenay geeridiisa, inta faahfaahin buuxda ka bixinayaan” ayuu markale yiri
Xasan Maxamed Samatar Cowke
puntland Post