Dabkaan ayaa kacay 04:00 Subaxnimo ee xiliga Muqdisho waxaana uu ka kacay Suuqa weyn ee Bakaaraha ee Magaalada Muqdisho.
Dabka ayaa markii hore ka kacay Suuqa Bacadlaha waxaana uu ku sii faafay goobo kale oo Suuqa Bakaaraha ku yaala.
Goobo Ganacsi oo aad u badan ayuu dabku baa ba’iyay waxaana kamid ah Suuqa Dahablaha , Suuqa Khaliifa iyo halka lagu iibiyo Daawo Soomaaliga Suuqa Bakaaraha.
Suuqa oo aan gaaray ayaa indhaheeyga waxa ay qabanayeen xarumo ganacsi oo aad u badan oo bas beelay, 3 Ruux ayaa ilaa iyo iminka la xaqiijiyay in ay ku dhinteen dabkaasi.
Gawaarida gurmadka ayaa u taagwaayay in ay damiyaan dabka wadooyinka oo ciriiri ah oo gawaarida aanay gali karin darteed.
Gudoomiyaha Gobolka Banaadir ahna duqa Muqdisho Yuusuf Xuseen Jimcaale ayaa soo gaaray goobta dabku uu ka kacay.
Waa dabkii Labaad oo muddo labo bil gudaheed ka kacay suuqa bakaaraha ee Muqdisho.
Hoos ka Daawo Sawirada.
Xasan Maxamed Samatar Cowke
Puntland Post Muqdisho