Wararka naga soo gaaraya magaalada Cadaado ee xarunta KMG ah ee Galmudug ayaa waxa ay sheegayaan in Ciidamada Galmudug ay maanta is hor-istaageen fadhi Baarlamaanka Maamukaasi.
Ciidamo aad u hubeeysan ayaa isku gadaamay xarunta Madaxtooyada Galmudug oo qeyb kamid ah ay ku shiraan Baarlamaanka Maamulkaasi.
Ciidamada ayaa Xildhibaanada ku amray in ay dib uga laabtaan xarunta oo aanay ku shireeynin islamarkaasina u diiday in ay gudaha u galaan.
Xildhibaanada ayaa hor dhoobtay afaafka hore ee xarunta iyaga oo ka Carooday falkaasi ay kula kaceen Ciidamada.
Xildhibaanada ayaa maanta waxa ay lahaayeen mid kamid ah kulamada baarlamaanka oo dib uga furmi lahaa magaalada cadaado.
Lama oga sababta rasmiga ah oo Ciidamada ay is hor-istaaga ugu sameeyay fadhiga Baarlamaanka Galmudug ee Maanta.
Hoos ka Daawo Sawirada Qaar kamid ah Xildhibaanada u Gaar ah Puntland Post.
Xasan Maxamed Samatar Cowke
Puntland Post