Garowe (Puntland Post):- Waxaa maanta lagu qabtay magaalada Garoowe kulan balaaran oo ku saabsan sidii loo cirib tiri lahaa shaqaaleysiinta caruurta , waxaana soo qaban-qaabisay kulankan Hay,adda FAWESOM oo kaashanaysa hay,adda DIAKONIA iyo Wasaaradda Horumarinta Haweenka iyo Arrimaha Qoyska Dowlada Puntland.
Madaxda Hay,adda FAWESOM, DIAKONIA, Wasiirada Wasaaradaha Waxbarashada, Haweenka, Siyaasiin horey xilal uga soo qabtay Puntland, Culimo udiin, Dhalinyaro iyo Qeybo ka socda bulshada oo ka dhex muuqda arrimaha ku saabsan daryeelka caruurta ayaa kasoo qeybgalay kulankaan maanta ka qabsoomay magaalada Garowe.
Sahro Siciid Nuur oo ah Agaasimaha Hay,adda FAWESOM oo muddo dheer mashaariic kasoo waday deegaano badan oo ku yaala dhulka Soomaalida ayaa ugu horeyntii sharaxday waxqabadyadii ugu dambeeyay oo FAWESOM ka fulisay deegaanada Puntland, Iyadoona inta badan Sahro khudbadeeda diirada ku saartay Ahmiyadda ay leedahay ololaha ciribtirka shaqaaleysiinta caruurta .
Sahro Siciid ayaa u mahadcelisay Hay,adda DIAKONIA iyo Hay,addaha kale ee Dowlada kuwooda ay ka wada shaqeynayaan barnaamijkan, waxayna ugu baaqday bulshada reer Puntland gaar ahaan deegaanada ay ka bilaabeen wacyigalintan oo ka tirsan Gobolladda Nugaal, Karkaar iyo Sanaag inay
Shiikh Maxamed Axmed oo kulanka maanta ka hadlay ayaa faahfaahin ka bixiyay sida Diinta Islaamku meelo badan uga hadashay xuquuqda caruurta , Isagoona ku amaanay Hay,adda FAWESOM wacyigalinta la xiriirta Ciribtirka Shaqaaleysiinta Caruurta.
Muna Yuusuf oo ka socotay Hay,adda DIAKONIA oo mashruucan ka taageereysa Hay,adda FAWESOM ayaa sheegtay inay ku rajo wayn tahay sidii looga miro dhalin lahaa wacyigalintan oo hadda ka socota deegaano ku yaala Nugaal,Karkaar iyo Sanaag.
Wasiirka Waxbarashada Abshir Yuusuf Aw-Ciise iyo Wasiirka Horumarinta Haweenka Dowlada Puntland Aniso Cabdulqaadir Xaaji Muumin oo Iyana door ku leh mashruucan ayaa sheegay inay hawlo badan ka qabteen xuquuqda caruurta iyo in la ciribtiro shaqaaleysiintooda, Waxayna si wada jir ah uga mahadceliyeen hay,adda FAWESOM xilka ay iska saartay arrimaha ilaalinta xuquuqda caruurta.
Waxayna balanqaadeen labada Wasiir inay hay,adda FAWESOM kala shaqeyn doonaan barnaamijkan oo ay sheegeen inuu door muhiim ah ka qaadan doono ka waantoobida Shaqaaleysiinta Caruurta.
DAAWO SAWIRO
Abshir Dhiirane
PUNTLAND POST