Garowe (Puntland Post):- jaamacadda PSU ka bilawday imtixaanka aqbalaada ardayda cusub ee sanad jaamacadeddka 2016-2017 kaas oo ay u fariistaeen ardaydii dhawaan kasoo qalin jabisay dugsiyada sare Soomaaliya gaar ahaan dugsiyada waxbarashadda sare Ee Puntland.
Gudoomiyaha ku xigeenka dhanka waxbrashada {Deputy Vice Chancellar Academic } Burhaan Aadan Cumar ayaa daah furey imtixaanka aqbalaadaa sidoo kalena kusoo dhaweyey ardayda cusub ee maanta u fariisanaysa imtixaanka Jaamacadda PSU
Wuxuuna ku dhiiri galiyey inay ardaydu sii wataan dadaalkoodi ay horey usoo wadeen .Ugu danbeyn gudoomiyaha ayaa sheegay in ardaydu uu u rajeynayo in imtixaanka ufududaado ayna noqdaan kuwo guulaystay mustaqbalka dhaw iyo kan fogba.
Sidoo kale waxaa isaguna halkaasi ka hadlay Madaxa xafiiska Diiwan galinta ardayda Maxamed Axmed Maxamed (M-burtinle) wuxuuna sheegay in guud ahaan ardayda ka baxday dugsiyga sare ay ku soo dhaweynayaan jaamacadda PSU gaar ahaan ardayda maanta imtixaanka u fariisanaysa iyo kuwa hada qoran oo sugaya imtixaanka Aqbalaada.
Goobaha uu imtixaanka uu ka dhacayey ayaa ahaa Dhawr goobood oo kale duwan,kuwaas oo ay mid yihiin labada hool ee ugu waaweyn hoolasha jaamacadda.
Maamulka jaamacadda aya sheegay in ay wali socoto is qorista qaadashada ardayda ayna wali fursad ufuran tahay ardayda danaynaysa in ay kusoo biiraan jaamacadda PSU.
Sawiro
PUNTLAND POST