Golaha Mustaqbalka ee ku mideysan yihiin Puntland, Jubaland iyo siyaasiyiinta mucaaradka ee Muqdisho ayaa ka dalbaday Beesha Caalamka in Soomaaliya lagu celiyo hannaankii kumeelgaarka ee ay ka baxday 2012, islamarkaana talada dalka lagu wareejiyo gole KGM ah.
Golaha Mustaqbalka ayaa dalabkan ku sheegay warqad qoraal ah oo ay u direen Beesha Caalamka oo shir arrimaha Soomaaliya lagaga hadlayo uu uga socdo dalka Uganda.
Goluhu waxay ku eedeeyeen madaxweyne Xasan Sheekh Maxamuud in uu afduubay masiirkii dalka, isaga oo diiday in uu ku dhaqmo xeerarkii dalka u yaallay sida ay ku doodeen.
Goluhu waxa kale oo ay ugu baaqeen Beesha Caalamka in ciidamada nabad ilaalinta ee ay u soo dirayaan Soomaaliya ay shuruud uga dhigaan in marka hore la helo heshiis siyaasadeed.
PUNTLAND POST