Wararka ka imanaya degmada Ceelbuur ee Gobolka Galgaduud ayaa sheegaya in Ciidamo ka tirsan Galmudug ay hawgal qorshaysan ku qaadeen fariisin ay ku sugnaayeen xubno ka tirsan Al-Shabaab.
Guddoomiyaha degmada Ceelbuur Nuur Xasan Guutaale ayaa warbaahinta u sheegay in howlgalkaas lagu dilay laba kamid ah horjoogayaasha Al-shabaab ee ku sugnaa deegaanka Baruujeed oo hoostaga Ceelbuur.
Guddoomiye Nuur Xasan Guutaale ayaa sidoo kale sheegay in hawlgallo ka dhan ah Al-shabaab ay ka socdaan Gobolka Galgaduud islamarkaana dib ay ka faahfaahin doonaan.
PUNTLAND POST