PUNTLAND POSTPuntland Post
Warka

5 Caruur ah oo ku dhimatay Qarax ay ku ciyaarayeen Gaarisa

Share

Wararka naga soo gaaraya Magaalada Gaarisa ee xarunta Woqooyi Bari ee dalka Kenya ayaa sheegaya in halkaasi ay ku dhinteen 5 Caruur ah.

5 Caruurta ah ayaa ku dhintay miino ay ku ciyaarayeen oo la qaraxday sida ay dadka deegaanka xaqiijiyeen.

Falkaan ayaa ka dhacay deegaan lagu magacaabo Kanyeri oo u dhow Magaalada Gaarisa ee Gobolka Waqooyi Bari Kenya.

Booliska Kenya oo goobtaasi gaaray ayaa ku waramaya in miinadaasi ay tahay miino mar hore meesha lagu aasay.

Caruurta dhimatay waxaa u weyn wiil 15-Sano jir ah sida ay sheegeen Booliska.

Woqooyi Bari Kenya ayaa waxaa ka dhaca qaraxyo ay geeystaan Al-Shabaab.

Xasan Maxamed Samatar Cowke 

Puntland Post

Leave a Reply