War qoraala oo kasoo baxay wasaaradda arrimaha dibada Masar ayaa lagu cambaareeyey weerarkii kooxda Al-shabaab ku qaadeen xero ciidamada dowladdu ku leeyihiin deegaanka Buulo-Gaduud ee duleedka magaalada Kismaayo.
Dowladda Masar ayaa qoraalkeeda ku sheegtay inay ka xuntahay weerarka ciidamada dowladda ay kusoo qaadeen Al-shabaab, waxayna tacsi u dirtay Askartii ku waxyeeloobay weerarkaas.
Masar waxay qoraalkeeda ku sheegtay inay ixtiraamayso xiriirka kala dhexeeya dowladda Soomaaliya , Islamarkaana garab istaagayso shacabka Soomaaliyeed.
Hadalka kasoo baxay dowladda Masar ayaa kusoo aaday xilli dhawaan uu madaxweynaha Soomaaliya Maxamed Cabdullaahi Farmaajo booqasho uu ku tagay dalka Masar , waxayna heshiisyo kala saxiixdeen madaxda dalkaas.
PUNTLAND POST
XASAN BASHE