Madaxweynaha Soomaaliya Xasan Sheekh Maxamuud oo ku sugan caasimadda Garoowe ayaa lagu wadaa in uu Isniinta berriya dib ugu laabto magaalada Muqdisho kadib markii uu dhicisoobay safarkiisi Puntland.
Dadka u shaqeeya Villa Somalia ayaa saacadihii la soo dhaafay faafinayay in is af-garad ay gaareen Puntland iyo dowladda Federaalka balse ilo lagu kalsoon yahay ayaa xaqiijiyay in labada dhinac aysan wax natiijo ah ka gaarin wada-hadalladii u socday.
Sida warar madax-bannaan sheegayaan qodobada khuseeya mashaariicda iyo dhaqaalaha ayaa markii hore xoogaa isku soo dhowaansho ah laga sameeyay taas oo Villa Somalia mooday is-afgarad bilow ah.
Labada dhinac ayaa sidoo kale isla soo qaaday in la qabto shir guud oo u dhexeeya dowladda Federaalka iyo dowlad goboleedyada dalka inkastoo aysan caddayn xilliga la qaban doono.
PUNTLAND POST