Qoyska marxuumad Maryan Axmed Caato ayaa waxba kama jiraan ku tilmaamay war uu faafiyay sarkaal lagu magacaabo Jeeniqaar Sheikh Cumar oo ka tirsanaan jiray ciidanka Kumaandooska Danab ee dowladda Soomaaliya.
G/sare Jeeniqaar oo ka soo jeeda Puntland ayaa sheegay in marxuumad Maryan Axmed Caato dhaawacii soo gaaray u dhimatay kadib markii Garoowe laga waayay irbad qiimaheedu joogo $1.5 Dollar oo keliya.
Balse, Maxamuud Axmed Caato la dhashay marxuumadda oo Puntland Post la hadlay ayaa been-abuur ku tilmaamay warka uu faafiyay Jeeniqaar oo ku saabsan in Maryan loo waayay irbad $1.5 Dollar joogta.
“ Walaashay looma waayin irbad $1.5 Dollar joogta waa borobagaandho warkaas. Dadka wararka noocaas ah wareejinaya Ilaahay ha ka cabsadaan” ayuu yiri Maxamuud Axmed Caato.
PUNTLAND POST