Ciidamada difaaca Puntland ayaa ku guulaystay in ay qarxiyaan in ka badan 10 qaraxyo miino ah oo kooxda Daacish ku aastay dhulkii laga qabsaday.
Saraakiil ka tirsan Ciidamada difaaca Puntland ayaa sheegay in dhammaan miinooyinkaasi oo jidadka ku aasnaa ciidanku qarxiyeen ka hor inta aysan waxyeello geysan.
Waxay sheegeen in qaraxyada badankoodu ku jireen jidadka laga soo galo xarumihii Daacish ee (Il iyo Cameyra) ee ciidamada Puntland shalay burburiyeen kadibna dab qabadsiiyeen.
Saraakiisha ciidamada ayaa intaasi ku daray in ay weli sii wadaan hawlgalka miina-baarista ee lagu nadiifinayo degaannada laga qabsaday kooxaha Daacish kaasi oo garab socda hawlgalka guud ee Ciribtirka kooxahaasi ee buuraha Calmiskaad.
PUNTLAND POST
You must be logged in to post a comment.