Gudoomiyihii degmada Qoryooley ee Gobolka Shabeellada hoose, Sayid cali Ibraahim Maxamed ayaa ku geeriyooday Qarax ka dhacay gudaha degmadaas.
Sida wararku sheegayaan, Qaraxa lagu dilay guddoomiye Sayid Cali Ibraahim oo ahaa Miino nooca dhulka la galiyo ayaa ka dhacday goob uu gudoomiyaha ku sugnaa waxaana la geeriyooday mid kamid ah ilaaladiisa.
Madaxtooyada Koonfur Galbeed oo xaqiijisay dilka gudoomiyihii Qoryooleey ayaa dhinaca kale tacsi u dirtay qoyska uu ka baxay marxuumka, iyagoo ku sifeeyay in uu ahaa shaqsi ay ka go’antahay in Shabaab dalka laga xoreeyo.
Ururka Al-shabaab ayaa sheegtay mas’uuliyada dilka gudoomiyihii Qoryooley, wuxuuna weerarkan ku soo beegmayaa bilo kaddib markii Al-shabaab ay qarax ku dileen gudoomihii degmada Marko Cabdulaahi Waafow.
PUNTLAND POST
You must be logged in to post a comment.