Guddiga Amniga iyo Nabadgalyada Baarlamanka Puntland ayaa Aqalka Wakiillada ugu yeeray Wasaaradda Amniga iyo DDRta Cabdisamad Gallan.
Ujeeddada ayaa ahaa is xog-wareysi u dhexeeya Guddiga iyo Wasaaradda, Wasiirka Amniga iyo DDRta Mudane, Cabdisamed Maxamed Gallan oo ay wehliyaan Agaasimaha Guud ee Wasaaradda Mudane, Maxamed Iimaan Cabdulle iyo Agaasimaha Maamulka & Maaliyadda Faysal Cabdullahi Farateeb ayaa waxay ka warbixiyeen guud ahaan xaaladaha amniga ee dalka, waxyaabaha u qabsoomay, caqabadaha haysta Wasaaradda iyo weliba baahiyaha jira, iyadda oo sidoo kalena, su’aalo laga weydiiyay arrimaha ay ka hadleen.
Intaa kadib, Guddiga ayaa isla qaatay inay u hawlgalidoonaan sidii wax looga qaban lahaa caqabadaha ka jira, doorkooda ka qaadanayaan.
Sida uu qabo Xeer-hoosaadka Golaha Wakiillada Dawladda Puntland Qodobkiisa 62.5 Guddiga Amniga iyo Nabadgelyada waxa uu u xil-saaran yahay La socodka xaaladaha nabadgelyo iyo amni ee dalka, Ururinta dhacdooyinka nabadgelyo iyo amni xumo ee u baahan in degdeg wax looga qabto.
PUNTLAND POST
You must be logged in to post a comment.