Naani (bidix) iyo Injineerka (midig)
Xulka Nugaal ayaa u baxay kama-dambaysta tartanka ciyaaraha gobolada Puntland, markii uu galabta kulankii afar dhamaadka 4-2 ugu awood sheegtay xulka Cayn.
Ciyaaryahanka Injineerka ayuu ahaa halyayga xulka lagu naynaaso ‘Fardaha’ gaarsiiyay kama-dambaysta, isagoo dhaliyay saddex ka mid ah goolasha, halka Naani dhaliyay gool cajiib ahayd oo uu la dhaafay gool-hayaha Cayn.
Dhanka kale xulka Cayn oo soo bandhigay kubbad qurux badan waxaa labada gool u dhaliyay ciyaaryahanka Khaalid Leo oo ka mid ah ciyaaryahanada ugu gool-dhalinta badan tartanka.
Waa markii saddexaad oo xiriir ah oo xulka Nugaal tiigsado kama-dambaysta tartanka ciyaaraha gobolada Puntland, 2012 iyo 2014 ayuu ku guuleystay tartankan.
Xulka Nugaal ayaa hadda final-ka ku sugaya midkood xulalka Mudug iyo Haylaan oo berri wada ciyaari doona.
PUNTLAND POST
You must be logged in to post a comment.