Mas’uuliyiin ka tirsan Somaliland oo ku sugan degmada Dhahar ee Gobolka Haylaan, ayaa halkaas ka sameeyay xarun lagu diiwaan-geliyo Cod-bixiyaasha doorashooyinka Somaliland.
Mas’uuliyiinta oo ka soo jeeda magaalada Dhahar, waxay maalmihii u dambeeyay degmadaas ka wadeen wacyi-gelin ku saabsan diiwaan-gelinta Cod-bixiyaasha doorashooyinka Somaliland.
Waxaase jirtay in mas’uuliyiinta Puntland u qaabilsan degmada Dhahar, ay si adag uga digeen in magaalada laga sameeyo barnaamijka diiwaan-gelinta Cod-bixiyaasha Somaliland.
Sidoo kale, waxay ku hanjabeen in tallaabo laga qaadi doono cid kasta oo isku dayda in ay barnaamijka diiwaan-gelinta ka samayso degmada Dhahar sida ay hadalka u dhigeen mas’uuliyiina Puntland.
PUNTLAND POST