Dabley hubaysan ayaa xalay gudaha magaalada Kismaayo ku dilay dhaqtar caan ka ahaa magaaladaas oo lagu magacaabi jiray Dr. Yuusuf Axmed.
Dhaqtarka aya lagu toogtay gudaha xarun caafimaad oo uu ku lahaa xaafadda Via Afmadow ee magaalada Kismaayo waxaana goobta isaga baxsaday kooxdii dilka gaystay sida ay xaqiijiyeen goob-joogayaal.
Laamaha Amniga dowlad goboleedka Jubaland oo hawlgal ka sameeyay xaafadda dilkaas ka dhacay ayaa la sheegay in aysan ku guulaysan soo qabashada kooxdii ka dambeeyya dilka dhaqtarka.
Ma jirto ilaa iyo haatan cid sheegatay mas’uuliyadda dilkaas balse magaalada Kismaayo waxa muddooyinkii u dambeeyay ka dhacay dilal qorshaysan oo lagu beegsaday dad caan ka ahaa magaalada.
PUNTLAND POST