Faahfaahin dheeriya ayaa ka soo baxaysa dagaal xooggan oo aroornimadii hore ee saakay ka dhacay degmada Balcad ee gobolka Shabeellaha dhexe kaas oo dhexmaray Al-shabaab iyo Ciidamada dowladda Soomaaliya.
Dagaalkaas ayaa lagu soo warramayaa in uu ka bilowday kadib markii Al-shabaab ay weerar culus ku soo qaadeen bar-kantarool oo ku taalla dhinaca Galbeed ee degmada Balcad oo ay ku sugnaayeen Ciidamada Militariga dowladda Federaalka Soomaaliya.
Goob-joogayaal ayaa laga soo xigtay in dagaalku uu halkaas ka socday mudda saacad ah islamarkaan la isu adeegsaday hubka noocyadiisa kala duwan inkastoo aan weli faahfaahin laga helin khasaaraha ka dhashay.
Ciidamada dowladda Federaalka Soomaaliya ayaa haatan hawlgallo ka wada degmada Balcad kadib markii saaka halkaasi dagaalkii ka dhacay dib loo baacsaday Al-shabaab.
PUNTLAND POST