Difaaca cirka ee Boqortooyada Sacuudi Carabiya ayaa qabtay laba gantaal oo ballistic ah, xilli ay kusoo wajahnaayeen caasimada waddankaas ee Riyadh,
Turki Al-Malki oo ah afhayeenka u hadlay dowladda Sacuudiga, ayaa sidoo kale sheegay in gantaaladaasi la burburiyey marka ay saacadu ku beegneyd 23:23 am habeenimo ee xalay.
Bayaan ka soo baxay dowladda oo lagu daabacay wakaaladda wararka Sacuudiga, ayaa lagu eedeyn la xariirta weeraradaasi fashilmay loogu jeediyey Xuutiyiinta ka dagaalanta dalka Yemen, waxaana sidoo kale Sacuudiga uu xusay in wax khasaare ah aan weli la diiwaan gelin.
Kooxda xuutuyiinta ayaa weeraro joogta ah ka geysata gudaha dalka Sacuudiga, iyadoo weerarkan uu kusoo aaday xilli Khamiistii lasoo dhaafay Qaramada Midoobey ay dhinacyada ku dagaalamaya dalka Yemen ka dalbatay in ay xabadda joojiyaan, si loo caawiyo shacabka dhibaateysan ee Yemen.
PUNTLAND POST