Maamulka Puntland ee gobolka Sanaag ayaa ka warbixiyey xaaladihii ugu dambeeyey ee gobolka Sanaag, ciidamadii ka soo goostay Somaliland iyo haddii weli ciidamo reer Sanaag ah ku hareen Somaliland.
Cali Soomaali oo ah guddoomiyaha gobolka Sanaag ee Puntland ayaa sheegay in guud ahaan xaaladda gobolka Sanaag ay degan tahay isla markaana ay qarameeyeen ciidankii ka soo goostay Somaliland, kuna soo biiray dowladda Puntland.
Guddoomiyaha ayaa sheegay inay jiraan ciidamo aan tiro lahayn oo meelaha qaar lagu biilo, hase yeeshee aysan jirin ciidamo reer Sanaag ah oo u qalabaysan Somaliland kuna sugan gobolka Sanaag.
Waxa uu caddeeyey in degmada Yubbe ay tahay halka kaliya ee Somaliland kaga sugan tahay gobolka Sanaag, hase yeeshee ciidamada ku sugan ay ka soo jeedaan gobolada Somaliland ayna xabad kaga saari doonaan.
PUNTLANDPOST