Waxaa dibudhac kuyimid shaacinta magacyada xildhibaanada cusub ee barlamaanka maamul goboleedka Jubbaland oo balantu ahayd in lagu dhawaaqo maanta oo Isniin ah 12/08/2019.
Shaacinta barlamaanka cusub ee Jubbaland ayaa waxaa dib loogu dhigay maalinimada berri ah kadib markii khilaaf soo kala dhex galay guddoomiyaha iyo guddoomiye ku-xiegenka gudiga doorashada ee Jubbaland.
Guddoomiye ku-xigeenka guddiga doorashada Jubbaland ayaa sheegay inuusan waafaqsanayn kana soo horjeedo warqaddii uu beesha caalamka u gudbiyey guddoomiyaha guddiga doorashada ee Jubbaland, taasi oo sababtay in lagu heshiin waayo xubnaha barlamaanka.
Ilo xogagaal ah ayaa Puntlandpost u xaqiijiyey in ciidamo katirsan kuwa Jubbaland ay tageen guriga guddoomiye ku-xigeenka doorashada Jubbaland si loola socdo xaalkiisa haseyeeshee uusan ku sugnayn xilligaasi.
Qaar kamid ah odayaasha dhaqanka Jubbaland ayaa horay uga soo horjeestey qaabka ay wax u wadaan guddiga doorashada Jubbaland waxaase xusid mudan inay socdaan dedaalo labada guddoomiye loogu kala dab qaadayo.
PUNTLANDPOST.COM