Waxaa maanta laga u qabtay magaalada Garowe munaasabad ay ku qalinjabiyeen 15 Ardey oo waxbarasho hal sano ah ka dhamaystay Jaamacadda Macalimiinta Puntland ee GTEC kuwaas oo ah dufcadii ugu horeysay oo GTEC ka barata cilmiga tiro-koobka (Statics).
Munaasabada ay ku qalinjabiyeen Ardeydaan waxaa kasoo qeybgalay Masuuliyiin kala duwan oo ka kala socda Wasaaradaha Waxbarashada, Qorsheynta iyo Maamulka Jaamacadda GTEC.
Maamulaha Jaamacadda GTEC Cabdiraxmaan Sheekh Doon ayaa faahfaahin ka bixiyay kuliyadda ay dhamaysteen Ardeyda, wuxuuna sheegay inay yihiin dufcaddii ugu horeysay oo kasoo baxda Jaamacadaha gudaha oo dhan Islamarkaana baratay cilmiga Tiro-koobka.
Agaasimaha Guud ee Wasaaradda Waxbarashada iyo Tacliinta Sarre ee Dowlada Puntland Maxamed Cabdulqaadir Cismaan oo ka hadlay munaasabada qalinjabinta 15 ardey ayaa sheegay inuu ku faraxsan yahay cilmiga ay barteen oo uu ku tilmaamay inuu yahay mid ku yar deegaanada Puntland, Isagoona tilmaamay in baahi weyn loo qabay.
Abshir Dhiirane
PUNTLAND POST