Garowe (Puntland Post):- Galinka dambe maalinta beri ah waxa lagu wadaa in magaalada Garowe uu ka furmo tartanka kubbada koleyga ee Basket ballka oo dhex mari doona kooxo gabdho ah oo ku ciyaari doona magaca maamulada kala ah Jubaland, Hirshabelle, Koonfur Galbeed, Galmudug iyo Puntland oo markii ugu horeysay ay marti galinaysa tartankaan oo lagu qabto Soomaaliya tan iyo wixii ka dambeeyay markii ay dhacday Dowladii dhexe ee Soomaaliya .
Waxaa laga dareemayaa magaalada Garowe diyaargarow ku aadan ciyaarta tartankan, Waxaana soo gaaray magaalada Ciyaartooy Gabdho Soomaaliyeed ah oo ka kala yimid Maamul Goboleedyada iyo Dibadda, Halka ay sidoo kale magaalada soo gaareen korjoogto caalamiya oo ka yimid meelo badan oo ka mid ah Soomaaliya iyo Dibadda.
Waxaa la diyaariyay garoon loogu tala-galay inuu ka qabsoomo tartanka beri lagu wado inuu ka furmo magaalada Garowe, Haddaba PUNTLAND POST ayaa ka heshay sawiro horudhac ah oo muujinaya goobta loo diyaariyay inuu ka furmo tartanku.
Daawo Sawirada.
Abshir Dhiirane
PUNTLAND POST