Taliyaha Ciidamada Booliska Puntland Jen. C/qaadir Shire Faarax (Erag) iyo Saraakiil u hogaaminayo oo gaaray Magaalada Gaalkacyo ayaa Maanta kormeeray ku sameeyay Saldhigyada Ciidamada Booliska ee Gobalka Mudug.
Jen.Erag ayaa kormeekiisa ka bilaabay Taliska qaybta Booliska Gobalka Mudug oo u Warbixin kaga dhagaystay Taliyaha Qaybta Booliska G/dhexe C/waaxid Aw-doon oo tilmaamay in Ciidamada Gobalka si weyn uga shaqeeyan Ilaainta Amaanka.
Taliyaha Ciidamada Booliska Puntland Jen. C/qaadir Shire Faarax (Erag) ayaa kormeeray Laamaha ilaalada Cashuuradda iyo Wadooyinka,Saldhigyada Warshad-galayda, kan dhexe, Xarunta danbi baarista iyo Xarumo kale.
Taliyaha Ciidamada Booliska Puntland Jen. C/qaadir Shire Faarax (Erag) ayaa sheegay in kormeerkiisan uu yahay uu kuurgalida tayada iyo tiradda Ciidamada Booliska Gobalka Mudug ee Puntland.
Sidoo kale,Jen. Erag ayaa Xusay in kormeerkiisu ay qayb ka tahay isku xiradda ama isfahansiinta Ciidamada Booliska iyo shacabka Gobalka Mudug,wuxuuna intaas ku daray inay Boolisku yihiin u Adeegyaasha Bulshada.
Dhinaca kale,Taliyaha Ciidamadiisa Booliska Jen.erag ayaa shacabka ka codsaday mar kale inay si weyn ula shaqeeyan Ciidamada Booliska Puntland,wuxuuna xusay in Sirta shacabka ay boolisku ay xifdiyidoonan.
Ugu Danbaytii, Taliyaha Ciidamada Booliska Puntland Jen. C/qaadir Shire Faarax (Erag) ayaa Tilmaamay in u sii wadidoona Tayaynta iyo tirinta Ciidamada Booliska Puntland ilaa shacabku aaminayaan u adeegidooda.
Abshir Dhiirane
PUNTLAND POST