Garowe (Puntlland Post):- Garowe (Puntlland Post):- Hay,adda World Vision ayaa maanta magaalada Garowe ugu soo xirtay tababar muddo lix bilood u socday 80 Ardey oo ka kala socda Kaamamka Barakacayaasha iyo Bulshada rayidka ee ku nool Garowe , kuwaas oo mudadii uu tababarku u socday la barayay xirfado ku saabsan Ganacsiga. Barnaamijkan ayaa qeyb ka ah mashruuc magaciisa la yiraahdo Nugaal Empowerment Better Livelihood Project oo ay ugu tala-gashay Hay,adda World Vision in kor loogu qaado xirfadaha, wax qorida iyo akhriska iyo waliba ganacsi ee bulshada ku dhaqan Gobolka Nugaal si kor loogu qaado heer ka nololeed ee bulshada.
Munaasabad lagu xirayay Tababarka u dhamaaday 80 ardey waxaa ka qeyb galay masuuliyiin ka socota Wasaaradda Ganacsiga & Warshadaha Dowlada Puntland, Maamulka Degmada iyo Bangiga Amal.
Ugu horeyn Bangiga Amal ayaa soo bandhigay adeegyada ay u hayaan ganacsatada yar- yar, si ay uga faa,iidaystaan una isticmaalaan adeegyada uu bixiyo bangigu, Iyadoona uu usoo bandhigay ardeydaan Abdiansir Hersi oo ah madaxa maalgalinta bangiga Amal ee gobolka Nugaal casharo ku saabsan shareecada islaamku sidii ay ganacsigoogda ugu dabakhi lahaayeen.
Isku duwaha Gobolka Nugaal ee wasaarada Ganacsiga iyo Warshadaha (Abadiaziz) ayaa ku amaanay hayada World Vision tababarida ganacstada yar yar si xirfadahooda iyo aqoontooda gancsi kor loogu qaado; Isagoona bogaadiyay ganacsatada loo soo xiray tababrkan mudada lixda bilood ah soo baranayeen, wuxuuna ku dhiiri galiyay inay ganacsigooda ku dabakhaan wixii ay barteen si uu u noqdo mid mira dhala oo hana qaada.
Sidoo kale xoghayaha dowlada hoose ee degmada Garowe, oo ka hadalay xafladan ayaa aad ugu amaanay hay,adda worldvision sida ay deegaanada Puntland uga howlgasho gaaar ahaana gobolka Nugaal, wuxuuna sheegay inay aad ugu faraxsanyihiin ka soo qeybgalka xafladan qalanjabinta uuna u hambalyeynayo ganacsatadan dhameysatay tababarka ganacsi.
Gabagadii shirka waxaa ka hadlay Maamulaha Masharuucan Ali Tumalo (Nugaal Empowerment Better Livelihood Project), isagoo ugu horeeyn u mahad celiyay ka soo qaybgalayaasha oo ay ugu horeeyaan wasaarda Ganacsiga iyo warshadaha, Bangiga Amal Degmada iyo Ardayda dhameystaya tababarkan.
Cali ayaa yiri ‘ waxaan bogaadinayaa ardayda tababarkan dhameysatay sida ay waqtigooda qaaligaa ugu horeen, inagoo ogsoon in qeybtood yihiin Waalidiin, halka qeyb ay aad ugu mashquul sanyihiin ganacsigooda’. Wuxuuna intaas raaciyay in aysan sidaa uga haridoonin ee ay dabagal ku someyndoonan iyagoo siinaya waxa uu ugu yeeray latalin iyo waana siin ku saabsan ganacsigooda (individual and Group coaching).
Daawo Sawirada Tababarka loo xiray 80 ardey ah.
Abshir Dhiirane
PUNTLAND POST.