Garowe (Puntland Post):- Wasiirka Wasaaradda Horumarinta Haweenka iyo Arrimaha Qoyska Dowlada Puntland Marwo Aniso Cabdulqaadir Xaaji Muumin ayaa gaarsiisay deeq raashin ah boqolaal qoys oo ay saameeyeen abaaraha ku dhuftay dhulka Puntland.
Qoysaska Wasiir Aniso gaarsiisay deeqda ayaa ku kala sugnaa baadiyaha degmada Dongoroyo ee Gobolka Nugaal iyo Tuulooyinka hoosyimaada , waxaana socdaalkan ku wehlinaya Wasiir Aniso oo qoys qoys isu dultaagtay Gudoomiyaha Degmada Dongoroyo .
Wasiir Aniso ayaa indhaheeda kusoo aragtay inta badan qoysaskii xoolo dhaqatada ahaa oo kusoo xarooday tuulooyin ay ka mid yihiin Uusgure,Baqbaq,Yabaayil iyo Ceelbuh, waxayna si weyn ugu kuurgashay Wasiir Aniso xaalada abaareed ee halkaas ka jirta.
Wasiir Aniso Cabdulqaadir ayaa sheegtay inay wax yar ka hareen xoolihii ku noolaa deegaanada ay socodka ku martay , Islamarkaana ay suuro gal tahay inay dadku u baabi,I karaan sababo la xiriira duruufo bini,aadamtinimo oo ka jira dhamaan deegaanada ay tagtay Wasiirka Haweenka Dowlada Puntland.
Abshir Dhiirane
PUNTLAND POST