Garowe (Puntland Post):- Waxaa maanta soo gaaray magaalada Garowe wafuud ka kala socota Dowlada Federalka , Maamul goboleedyada, Saraakiil ka tirsan wadamada ugu horeeya deeq bixiyaasha mashaariicda ee dalka Soomaaliya, Waxayna dhamaantood ka qeybgali doonaan shirka saddexaad ee dib u eegista waxbarashada Puntland oo maalinta beri ah ka furmi doona magaalada Garowe.
Shirkan oo ah mid sanad walba dib loogu eego waxyaabihii u qabsoomay iyo dib u eegis lagu sameeyo waxbarashada Puntland , waxaa sanadkan goobjoog u ah Wasiiru dowladaha Waxbarashada Dowlada Federalka Soomaaliya, Agaasimayaasha guud ee maamulada iyo Saraakiil ka socota wadamada Midowga Yurub, Mareykanka, China iyo Japan.
Wasiirka Wasaaradda Waxbarashada iyo Tacliinta sarre ee Dowlada Puntland Prof Abshir Awyuusuf Ciise ayaa ka warbixiyay wafuuda maanta soo gaartay Garowe,wuxuuna sheegay inay ku casumeen ka qeybgalka shirweynaha saddexaad ee dib u eegista waxbarashada Puntland iyo Meelaha ay ka kala socdaan oo uu sheegay inay ka mid yihiin dalka Soomaaliya iyo Wadamo ka tirsan beesha caalamka.
Daawo Sawiradda
Abshir Dhiirane
PUNTLAND POST