Boqor Burhaan Boqor Muuse oo Mudooyinkii ugu Danbeeyay Safar ugu maqnaa Dalka Dibadiisa ayaa galabta dib ugu soo Laabtay Magaaladda Boosaso,
Waxaana Boqorka ku soo dhaweeyay Garoonka diyaaradaha ee Boosaso, Xubno ka tirsan masuuliyiin Gobolka, Degmada, Isimo Iyo Qeybaha Kala duwan ee Bulshada,
Waxaana Markii uu ka soo dagay Garoonka diyaaradaha Boosaaso isagoona salaan dhex qaaday qaar kamid ah Dadkii ku soo Dhaweeyay Garoonka, isagoona og mahadceliyay soo dhaweynta quruxda badan ee ay u sameeyeen,
Intaas kadibna Boqorka iyo masuuliyiinti kale ee la socday ayaa loo gudbiyay Hotelka Gaceyte ee Bosaaso Halkaas oo uu Warbaahinta Ku Siiyay hadal kooban oo intiisa badan taabanayay Marxalada uu wadanku Marayo,
Wuxuu soo hadal qaaday Boqor burhaan Boqor Muuse Xaalada abaared ee wakhtigan ka jirata Puntland isgoona ku sheegay caro rabi loona baahan yahay in Ale la baryo.
Wuxuuna Ka codsaday Qeybaha kala duwan ee Bulshada, Ganacsatada iyo Masuuliyiinta dowladaba in hal dhinaca looga soo wada jeesto gurmadka Dadka Ay abaaruhu saameeyeen ee Somaliyeed,
Ugu danbeyna, Boqor Burhaan ayaa la filayaa inuu Maalmaha soo socda ku sii sugnaado Magaalada Boosaaso, isagoona la kulmi doona Qaar kamid Ah Isimada Gobolka Bari
CABDIQANI BOOS
PUNTLAND POST
XAFIISKA BOOSASO