Garowe (Puntland Post):- Xildhibaan Faysal Cabdule Guuleed oo ka mid ahaa Xildhibaanadii ku guulaystay Aqalka hoose ee Mudanayaasha cusub baarlamanka Dowlada Federalka Soomaaliya ayaa maanta xaflad lagu soo dhaweynayo, sidoo kalena lagu sagootinayo ergadii beeshiisa u dooratay Xildhibaanka loogu sameeyey Magaalada Garoowe ,
Waxaa ka qeyb galay munaasabadan Gudoomiyaha Gobolka Nugaal, Waxgarad, Abwaano, Agaasimayaal kala duwan oo ka tirsan Dowlada Puntland, iyo Marti sharaf kale, waxayna siyaabo kala duwan u cabireen kasoo qeybgalayaashii munaasabadan doorashadii uu kusiga aqalka hoose uu ugu soo baxay Xildhibaan Faysal Cabdulle taas oo ahayd kursigii ugu tartanka adkaa ee doorashada aqalka hoose baarlamanka Soomaaliya oo ka qabsoonta magaalada Garowe, Islamarkaana ay ku tartameen ilaa 6 musharax.
Cumar Cabdulaahi Farawayne Gudoomiyaha Gobolka Nugaal oo ka hadlay munaasabada lagu soo dhawaynayo Xildhibaan Faysal Cabdulle Guuleed ayaa sheegay inuu yahay Xildhibaankan cusub shaqsi muwaadin ah oo leh wax-qabad fiican.
“Maalmahan waxaa badatay murashax hebel waxaa wadata qolodaas , Waxaan u malaynayaa in Xildhibaan Faysal ay wataan dadka reer Puntland ” ayuu yiri Guddoomiyaha Gobolka Nugaal
Xildhibaan Faysal Cabdulle oo ka hadlay gaba-gabadii munaasabada ayaa uga mahadceliyay kasoo qeybgalayaasha iyo ergadii soo dooratay soo dhaweynta wanaagsan ee uu kala kulmay, Wuxuuna sheegay inuu si xil kasnimo ah shacabka uu ugu matali doono kursigaan loo doortay.
“Xildhibaan xil qaaday oo Soomaali u qaaday, oo Puntland u qaaday, oo gobolka Mudug oo uu kasoo jeedo u qaaday, oo gobolka Bari oo la igu tirinayo u qaaday, Beeshu Mudug kaliya ma degana, Karkaar, Bari iyo Ethiopina waa degan tahay meel kasta oo degan tahay Xildhibaankoodii baan ahay” ayuu yiri Xildhibaan Faysal
Abshir Dhiirane
PUNTLAND POST.