Garowe(Puntland Post):- Waxaa maanta si weyn loogu soo dhaweeyay magaalada Garowe ee Caasimada Puntland Musharax Madaxweynaha Soomaaliya Abshir Xasan Abshir oo kasoo kicitimay dalka Kenya , Waxaana ka qeyb galay soo dhaweyntiisa masuuliyiin ka tirsan Dowlada Puntland, Maamulka Gobolka Nugaal, Odoyaal, Siyaasiin, Aqoonyahano iyo Dadweyne Fara-badan.
Musharax Abshir Xasan Abshir ayaa horey Xildhibaan uga soo noqday Baarlamanka Dalka Soomaaliya,Wuxuuna sidoo kale ahaa Safiirka Soomaaliya ee Dalka Brundi .
Musharax Abshir Xasan Abshir oo kula hadlay fagaaraha ay caanka ku tahay Garowe ee Barxadda boqolaal taageerayaashiisa ah ayaa sheegay inuu u tartami doono Madaxweynaha Dalka Soomaaliya , Islamarkaana uu horseedi doono isbedel dhab ah haddii uu ku guulaysto hogaaminta dalka.
Musharaxa ayaa sheegay in %70 dadka Soomaaliyeed ay yihiin dad dhalinyaro ah , Islamarkaana uu xooga saari doono sidii uu uga shaqeyn lahaa dib u heshiisiin waarta oo ka dhacda Soomaaliya.
Kala soco goor dhow PUNTLAND POST muuqaal ku saabsan sida musharaxa looga soo dhaweeyey Garowe iyo Khudbadda uu u jeediyay Dadweynihii soo dhaweeyay.
Abshir Dhiirane
PUNTLAND POST