Kooxda Ac Milan ayaa garoonka cabsida badan ee San Siro 1-0 ku garaacday Marwada duqda ah ee Juventus kulan ka tirsanaa horyaalka Talyaaniga ee Seria A.
Manuel Locatelli ayaa ahaa dhaliyaha gool aad uqurux badan oo toogasho ahaa daqiiqadii 65-aad wuxuuna lamid ahaa kii uu ka dhaliyay kooxda Sassuolo.
Manuel Locatelli ayaa Maqnaanshiyaha laacibiinta khadka dhexe ee Riccardo Montolivo, Andrea Bertolacci, iyo Mati Fernandez u helay fursad uu safka hore uga soo muuqdo, waa ninka ciyaartan wayn go’aamiyay.
Shan sano kahor ayaa u dambaysay inay labadan kooxood ay ku tartamaan hoggaanka horyaalka Talyaaniga, waxayna Juventus San Siro timid iyadoo ay Milan kaalinta 2-aad kula jirto AS Roma.
Donnarumma gool hayaha Milan ayaa ahaa halyayga ciyaarta isagoo ka badbaadiyay kooxdiisa fursado gool loo filan karay.
AC Milan ayaa haatan kaalinta 2-aad ku jirta iyadoo leh 19 dhibcood, halka Juventus oo hoggaanka haysa ay leedahay 21 dhibcood.
PUNTLAND POST