Muqdisho-(Puntland post) Ciyaartoyda xulka kubada cagta Puntland ayaa gaaray guushii ugu horeysay tartanka Dowlad Goboleedyada ee ka socda magaalada Muqdisho ee Gobolka Banaadir.
Xidigaha Puntland oo ahaa kuwa kalsoonida iyo Xariiftankoodu uu yahay mid aad u heer sareeya ayaa soo bandhigay kubad cajiib leh iyagoo qeybta hore ciyaarta 3-0 ku marsiiyay dhigooda Koofur Galbeed.
Qeybtii labaad markii la isku soo laabtay ayey heleen gool kale, taasoo ka dhigay in ay 4-0 ugu awood sheegtaan Koofur Galbeed.
Weerar yahanka Xulka Puntland Yacquub cismaan ayaa dhaliyay saddexlay, halka Goolka kalana u dhaliyay laacibka khadka dhexe ee C/waaxid (dhakab-dhakab).
Xulka Koofur Galbeed ayaa tartanka isaga haray madaama kulankii horana loogu awood sheegtay 5-0, waan xulkii ugu horeeyay oo tartanka ka hara.
Xulka Puntland ayaa haatan waxey dhanka dhibcaha barbaro la tahay Banaadir, walow farqiga goolasha ay hal Gool ku sareyso Banaadir.
Kulanka Xiga ee groupka A waa Benaadir Iyo Puntland iyadoo la ogaan doono cidda kusoo baxeysa kaalinta kowaad.
PUNTLAND POST