Muqdisho-(Puntland Post)-Kullan aad u xiiso badan oo ka tirsan guruubka A, tartanka Dowlad goboleedyada Soomaaliya ayaa galabta lagu ciyaari doonaa garoonka Koonis degmada C/Casiis ee gobolka Banaadir.
Ciyaartaan ayaa waxaa isaga hor imaan doono maamul goboleedyada Koofur Galbeed iyo Putland oo ku wada jira guruubka A.
Xulka Koofur Galbeed ayaa guuldarro kala kulantay Banaadir kullankii ugu horeeyay ee lagu ciyaaray garoonka Koonis ciyaaraha doowlad goboleedyada Soomaaliya.
Putland ayaa ciyaareysa kullankeedii ugu horeeyay ee tartankaan, halka Koofur Galbeed ay ciyaareyso kullankeedii labaad.
Labada xul ee puntland iyo koonfur galbeed somaliya Ayaa si wayn ugu diyaar garoobay kulanka maaanta oo ah kulan ay siwayn indhaha ugu hayaan taageerayaasha labada maamul.
Sikastaba ha ahaatee ciyaarta u dhaxeysa Koofur Galbeed iyo Putland ayaa ah tii saddexaad ee lagu ciyaaro garoonka Koonis, waana ciyaartii labaad guruubka A.
Kayse Muse Ali
Puntlandpost
Garowe