Paris-(Puntland Post ) Xulalka qaranka France iyo Portugal ayaa goor dhow oo caawa ah isaga hor iman doona Garoonka Stade de France ee magaalada Paris ee Dalka Farance Final-ka koobka Qaramada Yurub ee Euro 2016, labada xul ayaa siyaabo kala duwan ku soo tiigsadeen kulanka kama danbaysta ah.
Xulka martigeliyayaasha ah ayaa ugu cadcad inay hantaan koobka Euro 2016 waxaana ay ka horimaanayaan xul si lama filaan ah ku soo gaaray finalka maadama hal kulan oo kaliya uu si sax ah u soo badiyay marka la xisaabiyo 90-ka daqiiqo ee ciyaarta.
In kastoo kulamada kama danbeysta ah ee Koobka Qaramada Yurub aan la saadaalin karin, iyadoo guuldaradii lama filaanka aheyd ee Portugal ka soo gaartay Greece finalkii 2004 ay tusaale u tahay.
Shaxda Macquulka ah ee Labada Xul
France: Lloris, Sagna, Koscielny, Umtiti, Evra; Pogba, Matuidi, Sissoko, Griezmann, Payet, Giroud.
Portugal: Rui Patrício, Cédric, Pepe, Fonte, Guerreiro, William Carvalho, Adrien, João Mário, Renato Sanches, Nani, Ronaldo.
Portugal v France
Kulanka: Finalka Euro 2016
Garoonka: Stade de France
Waqtiga: 10pm Saacadda Geeska Africa
Garsoore: Mark Clattenburg
PUNTLAND POST