Garowe(Puntland Post) Garoonka Kubadda Cagta Mire-Awaare ee magaalada Garowe waxaa shalay galinkii danbe lagu soo gabagabeeyay Tartan dhinaca Kubadda Cagta oo ay isku arkeen markii ugu horaysey Kooxo ku cayaarayay magaca Shan Jaamacadood oo ku yaala magaalada Garowe.
Ciyaarta kaba danbaysta oo dhexmaraystey Kooxaha PSU iyo Boosaso faraceeda Garowe, waxaa u soo daawasho tagay taageerayeel faro baddan, sidoo kale waxaa garoonka ku sugnaa madax ka socotay Wasaarada Ciyaaraha Puntland, Xiriirka Kubadda Cagta Puntland, Guddoonka Ciyaaraha gobolka Nugaal iyo dadwayne kale.
Ciyaarta ayaa ka duwanayd kuwii horay la isag horyimid, maadaama garoonka yaalay Koobkii loogu talagalay in naadiga guulaysta lasiiyo ,kaasoo kooxkastaa ay ku dagaalamaysay.
Ciyaarta oo ku socotay qaab weerar iyo weer celis ah ayaa qaybtii hore ku soo dhamaaatay 0-0 waxaana labada Kooxood ay bilaabeen inay tashiyo dhinaca farsamda ka soo qaataan guddoomiyayaasha Ardayda Jaamacadaha, iyo Tababarayaashooda.
Markii dib la isu soo laabtay ayaa Kooxda ku cayaaraysay magaca Jaamacada Boosaso Faraceeda Garowe waxaa u suurta gashay inay soo qaadaan weeraro badan , taaasoo markii danbe keentay in khalad lagu galo Ciyaaryanka Yacquub oo weerarka uga cayaarayay Kooxda Jaamacadas Boosaso, waxaa gool ku laadkaas loo dhigay Gool u badalay Isla ciyaaryahan Yaxquub.sidaasa ciyaartuna waxay ku noqotay 1-0 .
Isku dayo badan oo ay sameeyeen Kooxda Jaamacada PSU ayaan Suurgalin inay Bareejeeyaan Kooxda Boosaso, waxaana guud ahaan Ciyaarta oo xiiso badnayd ay ku soo dhammaatay 1-0 sidaasna waxaa guusha kula hoyatay Kooxda Jaamacada Boosaso(UOB)
Guddoomiyaha Jaamacada Boosaso Cabdirizaaq Axmed Faarax (Qowle ) ayaa markii ciyaartu ay soo dhammaatay bogaadin iyo Hambalyo u diray Kooxda Jaamacada Boosaso oo Koobkan ku guulaysatay markii ugu horaysay ee ee loo qabto Jaamacadaha Garowe, waxaana uu sidoo ammaan u jeediyay dhammaan shantii Kooxood ee tartankaan isku arkay.
PUNTLAND POST