Garowe(Puntland Post)-Waxaa maanta oo sabti ah si toos u furmay Imtixaanka shahaadiga ah ee Puntland, waana imtixaankii ugu dambeeyey fasalka 12- aad ee dugsiga sare iyo fasalka 8-aad ee dugsiga dhexe, waxaana imtixaanka lagu qaadayaa sagaal xarumood.
Madaxweyne ku xigeenka Puntland Cabdixakiin Cabdullaahi Xaaji Cumar Camey ayaa imtixaanka ka daah furay iskuulka Gambool ee magaalada Garowe, wuxuuna ardaydayda ku dhiiri galiyey inay waxbarashadooda sii wataan, isagoo u duceeyey, islamarkaana ka waaniyey Tahriibta.
Wasiirka waxbarashada Abshir ow –Yusuf Ciise ayaa faah faahiyey Ardayda Sanadkan u fariisatay Imtixaanka wuxuna sheegay in 3,304 Arday ay yihiin Dugsiyada sare, halka 7,813 ardyna ay u fariisteen imtixaanka fasalka sideedaad ee dugsiga dhexe, waxayna tiradood guud noqonaysa 11,122 Arday guud ahaan Puntland inay sanadkan galeen imtixaanka shahaadiga ah.
Imtixaanka Fasalka 8-aad sanadkan waxaa galay Arday indhaha la, waxayna noqonaysa markii ugu horaysay oo Soomaaliya ay arday indha la u fariistaan imtixaan shahaadiya siday sheegeen masuuliyiinta wasaaradda waxbrashada Puntland.
Guud ahaan Puntland ayuu imtixaanka maanta ka furmay, waxayna masuuliyiinta wasaaradda waxbarashadu ardayda Imtixaanka gashay alle uga baryeen inuu u fududeeyo, sidoo kale waxaa ardayda bogaadiyey Agaasimaha Guud ee waraadda Maxamed Cabdulqaadir wuxuuna ka waaniyey Tahriibta, islamarkaana wuxuu ku dhiiri galiyey inay noqdaan kuwo miro hooda la gurto.
Madaxa Imtixaanadka Puntland ee wasaaradda waxbarashada Axmed Saahid ayaa sheegay in sanadkan imtixaanku uu uga dawan yahay kuwii hore maadaama sanadkan ay galeen arday aan waxba arag, isagoo dadweynaha reer Puntland faray inay dhiiri galiyaan dadka qaba baahiyah gaarka ah si ay uga sii bataan tirade hadda imtixaanka u fariisatay.
Sawirro.
Puntland Post.