Muqdisho(Puntland Post)-Kooxo hubaysan ayaa ayaa xaafada Macalin Nuur ee Degmada Dharkaynlay Muqdisho ku dilay labba Gabdhood oo aad u da yar xili ay ku socdaan Iskuul.
Gabdhahan waxaa toogtay koox ku hubaysan Bistoolado, waxayna wararku sheegayaan in mid kamid ah ay ku geeriyooteen halkii toogashadu ka dhacday tan kalena ay ku dhimatay goob Caafimaad oo ku taal Magaalada Muqdisho.
Ciidamada amaanka oo gaaray goobta uu falkani ka dhacay ayaa bilaabay baaritaano xoogan oo ay ku raadinayaan kooxihii falkaas ka danbeeyey, walow ay markiiba ka baxsadeen goobta ay dhacdadan ka geysteen.
Dhanka kale waxaa xalay Degmada Hodan lagu dilay haweeynay Da’a oo lagu Magacaabo Cibaado Cabdi Maxamed, waxaana si lamid ah toogtay kooxo bistoolado ku hubaysan oo markiiba goobta dilka ay ka geysteen ka baxsaday.
Ma jirto Cid sheegatay Masuuliyadda Dilalkan haweenka loogu geystay siyaabo kala duwan Magaalada Muqdisho, mase ahan markii ugu horaysay oo Magaaladan Dilal loogu geysto Gabdho ay arday iyo kuwo markaa qalin jabiyey ku jireen.
Puntlan Post